Historia

Historia kona ba Piostu Administrativu Iliomar

Tuir historia katak rai iliomar mai husi frase rua mak hanesan Ili no Omar.Ili signifika katak Fatuk no Omar sisgnifika katak Uma entau liafuan rua ne’e sisfnifika katak uma fatuk katak uma ne’ebe mak halo ho fatuk.

Iha tempu uluk ema rai nain Iliomar mai husi talas fuik katak iha momentu ne’eba Liurai ida ho naran………… nia mak ukun reinu,kalkaln nia sempre rona ema tebe no bidu iha fatin ne’ebe refere maibe Liurai ne’e la sai ba hare katak se mak tebe no bidu iha ne’eba entaun kalan ida liurai ne’e sai ba hodi hare.

Iha kalan ne’e  Liurai hare feto ida ne’ebe bonita los entaun Liurai ne’e buka maneira para atu kaer feto ne’e. Feto ne’e iha klaran sira seluk tebe no bidu hodi haleu feto ne’e, Liurai koko ba hakbesik hodi hare feto ne’e, nia senti laran monu ba feto ne’e entaun nia tama ba kaer feto ne’e maibe feto ne’e nakfilak an ba samea,samodok,sakunar,fatuk nst, maibe liurau la husik nia kaer metin nafatin entaun feto husu ba Liurai katak tamba saida ita bo’ot la husi ha’u, liurai hatan, ha’u sei la husik o maski o sei nakfilak-an ba buat oi-oin,entaun feto ne’e hatan ba liurai hodi dehan se o lakohi husik ha’u mak komesa  hori oin ba oin o no o nia jerasaun sira sei lulik talas tamba hau mai husi talas, liurai komesa halo promesa ba nia katak ha’u no hau nia jerasaun sira sei la han tan talas ne’e. 

Iha kalan ne’e kedas Liurai ne’e lori feto ne’e ba uma,sira nai rua moris hamutuk hanesan fen no laen mak to’o agora sira nain rua nia jerasaun mak barak fitun iha lalehan no rai henek iha tasi ne’ebe mak iha rai lulih Iliomar.

Historia Kona ba Postu Administrativu Lautem

Tuir historia ne’ebe mak abo sira konta katak Lautem  mai husi lia fuan rua mak hanesan  Lau no Teinu. Lau signifika katak Hena ou Tais no Teinu sifnifika katak Lulik ou Sagradu.iha tempu uluk  Liurai nain tolu  ho naranSarou , Faturou no Sama  nebe hela iha tasi feto nia ibun  ka hela iha sidade antigo Lautem nian mak fo naran entaun ho liafuan  rua ne’e hamutukLauteinu sisgnifika katak Rai Lauteinu nudar tais lulik nebe hafalun povu tomak , proteje povu husi malirin, moras no susar oin-oin, sai nudar tais lulik nebe hafalun no futu hamutuk unidade povu tomak iha rai Lauteinu, simu malun, respeito malu nudar familia maun alin, feton ho nan iha uma ida  no iha  rai ida.Rai Lauteinu  moris iha harmonia, pas no dame, hamutuk nafatin hodi hadia povu nia moris